Upplestrarkeppni í Grunnskóla Grundarfjarðar

Stóra upplestrarkeppni 7.bekkjar var haldin í Grunnskóla Grundarfjarðar miðvikudaginn 4.mars í húsnæði skólans.

Átta nemendur tóku þátt að þessu sinni og stóðu þeir sig allir með mestu prýði. Erfitt verkefni beið dómaranna sem voru þau Gunnar Kristjánsson, Alda Hlín Karlsdóttir og Sólveig Guðmundsdóttir.

Þrír nemendur unnu keppnina og komast áfram í keppnina sem haldin verður fyrir skólana á Snæfellsnesi þann 12.mars nk.. Það voru nemendurnir Elva Björk Jónsdóttir sem lenti í 1.sæti, Tanja Lilja Jónsdóttir í 2.sæti og Karen Lind Ketilbjarnardóttir sem var í 3.sæti.

Við óskum þeim innilega til hamingju og ósk um gott gengi í næstu keppni.