Stóra upplestrarkeppnin

Stóra upplestrarkeppnin á Snæfellsnesi var haldin í Ólafsvíkurkirkju þann 14.apríl sl.. Það voru 3 fulltrúar úr 7.bekk frá hverjum skóla eða 9 nemendur sem tóku þátt í keppninni. Frá Grunnskóla Grundarfjarðar kepptu þær Elva Björk Jónsdóttir, Tanja Lilja Jónsdóttir og Karen Lind Ketilbjarnardóttir og stóðu þær sig allar með sóma.

Keppnin hófst með því að Vilborg Lilja Stefánsdóttir bauð alla velkomna og kynnti keppendur. Því næst var tónlistaratriði úr söngleiknum "Þengill verður ástfanginn", Vilborg Lilja kynnti síðan textahöfund keppninnar í ár en það er Guðrún Helgadóttir.

Keppendur lásu síðan sína texta úr bókinni hennar Öðruvísi fjölskylda. Boðið var upp á annað tónlistaratriði og var það nemandi úr tónlistarskólanum sem lék á píanó. Að því loknu kynnti Vilborg Lilja ljóðskáld keppninnar en það er Anton Helgi Jónsson. Keppendur lásu þau ljóð sem þeir höfðu valið úr hans safni og að lokum lásu keppendur ljóð að eigin vali.

Þá var boðið upp á veitingar í safnaðarheimili kirkjunnar á meðan dómnefndin réði sínum ráðum.

Úrslitin urðu svo á þann veg að í fyrsta sæti var keppandi frá Ólafsvík, Birgitta Sól Vilbergsdóttir. Í öðru sæti var keppandi frá Stykkishólmi, Thelma Lind Hinriksdóttir og í þriðja sæti var keppandi frá Grundarfirði, Tanja Lilja Jónsdóttir.

Fleiri myndir inni á myndasafni.