Skólalóð

Síðustu vikur hafa skemmtilegar breytingar orðið á skólalóð. Bekkir sem notaðir hafa verið á tjaldsvæði Grundarfjarðar hafa verið settir niður á skólalóðinni, sem mun nýtast nemendum á ýmsan máta, til dæmis til útináms eða til að snæða nesti í góðu veðri. Þá hefur verið settur saman útiskúr til að geyma dót sem nemendur geta fengið til afnota í útivist. Þá var smíðaður sandkassi sem virðist vera mjög góð viðbót við þá flóru leiktækja sem finna má á skólalóðinni. Á döfinni er að mála fleiri pókó velli en nú þegar er kominn einn sem nýtur mikilla vinsælda.