Gjöf frá Kvenfélaginu Gleym mér ei

Kvenfélagið Gleym mér ei afhenti Grunnskóla Grundarfjarðar fimm KitchenAid hrærivélar að gjöf í síðustu viku og á meðfylgjandi mynd má sjá nemendur í öðrum bekk skólans ásamt skólastjórunum þeim Sigurði Gísla og Björgvini. Með þeim á myndinni eru einnig Sigrún heimilisfræðikennari og Mjöll formaður kvenfélagsins og gjaldkerinn Sólrún. Félagskonur í Gleym mér ei vilja við þetta tækifæri þakka Ragnar og Ásgeir ehf. fyrir ómældan stuðning í formi flutnings á þeim fjölmörgu gjöfum sem við höfum verið að gefa í samfélaginu. Ljósmyndarinn Tómas Freyr Kristjánsson fær einnig ástarþakkir fyrir að vera alltaf tilbúinn til að hlaupa í myndatökur.

Við þökkum kærlega fyrir allan þann stuðning og styrki sem við höfum fengið frá þessum ötulu konum í Kvenfélaginu Gleym mér ei í gegnum tíðina en fyrr í vetur fengum við vegleg þríhjól fyrir Eldhamra.