"Vertu næs"

Heimsókn frá Rauða krossinum Þau Juan og Alexandra komu í heimsókn s.l. mánudag og fræddu nemendur í 5. – 10. bekk um upplifun sína af því að koma erlendis frá og setjast að á Íslandi. Juan er frá Kólembíu og Alexandra frá Póllandi. Rauði krossinn fór af stað með átakið „Vertu næs" síðasta haust. Átakinu er ætlað að draga úr fordómum gagnvart innflytjendum hér á landi. Á fjögurra ára fresti kemur út skýrslan „Hvar þrengir að?" á vegum Rauða krossins. Skýrslan fjallar um þá sem standa hvað verst í samfélaginu og í nýjustu skýrslunni, sem kom út árið 2014, kom í ljós að verulega hallaði á innflytjendur hér á landi. Við þökkum Rauða Krossinum kærlega fyrir þessa góðu fræðslu þeirra Juan og Alexöndru.

Fleiri myndir inni á myndasafni.