Þorrablót

Í gær vorum við með smá þorrablót í 3. og 4. bekk en við höfum verið að vinna með þorrann í samfélagsfræði að undanförnu. Fengum við Sigrúnu heimilisfræðikennara í lið með okkur og sáu 4. bekkingar um að útbúa veitingarnar í heimilisfræðitíma. Auk þess að gæða sér á þessum kræsingum fylltu nemendur út bragðkönnun . 4. bekkingar sáu síðan um skemmtiatriðin á þorrablótinu. Voru þeir með frumsamið leikrit, Þorranum stolið, ásamt því að segja brandara. 5. bekkingar fengu að kíkja í heimsókn og smakka á þorramatnum og fylgjast með skemmtuninni. Fleiri myndir inn á myndasafni.