Kvennafrídagur

Á morgun, 24. október, er kvennafrí um allt land. Þá eru konur hvattar til að leggja niður vinnu klukkan 14.55. Langflest starfsfólk leik- og grunnskóla eru konur. Við ítrekum það að grunnskóli, Eldhamrar og Heilsdagsskóli verða ekki lokaðir, en við biðlum til foreldra og forráðamanna barna í leik- og grunnskóla að sækja börn sín í skólana fyrir þennan tíma á miðvikudag og sýna þannig samstöðu í verki.