Kínverska sem valgrein

Í ár er sú nýbreytni í Grunnskóla Grundarfjarðar að boðið er upp á kínversku sem valgrein á unglingastigi. Nemendur tóku þessari nýjung vel og eru nú sex nemendur sem þreyta kínverskunám undir handleiðslu Alexöndru Sukhova. Nemendur læra hvort tveggja tungumálið og tákn. Fyrstu tímar eru búnir og heyra má að nemendur séu mjög ánægðir með framtakið og því aldrei að vita nema heyra megi kínverskt mál á göngum skólans innan skamms.