Framhaldsskólakynning

Fimmtudaginn 14. mars fóru nemendur í 9. og 10. bekk í Reykjavíkurferð. Fyrsta stopp var Árbæjarsafn þar sem nemendur skoðuðu sýningu sem ber heitið Neyzlan. Sýningin Neyzlan varpar ljósi á örar breytingar á neysluháttum á 20. öld. Markmið heimsóknarinnar var að beina sjónum að eigin neyslu, sóun og áhrifum mannsins á umhverfið. Nemendur unnu þar hópverkefni tengt sýningunni. Því næst fóru nemendur í Laugardalshöll á sýninguna Mín framtíð 2019 þar sem allir framhaldsskólar landsins voru með kynningu á sínum skóla og iðnnemar öttu kappi í iðngreinum. Það var gaman að sjá í hópi þeirra sem voru að kynna sitt nám voru fyrrum nemendur Grunnskóla Grundarfjarðar. Þeir Adam Kári Helgason og Jón Þór Einarsson voru að kynna rafiðn og Þorkell Máni Þorkelsson var að kynna hljóðtækni. Nemendur höfðu gagn og gaman af þessari ferð og voru sjálfum sér og skólanum til sóma. Fleiri myndir inni á myndaalbúmi.